Und au hüür si mir wi jedes Jahr im Skiweekend gsih, das isch doch klar. S’ Wätter het leider nid mitgspüut, obwohl mir si gsih zum Skifahre
gwüut. Vo obe si cho nur Regetropfe, ir Beiz hets derfür geh Güx und Hopfe. Die einte hei denkt sie si wetterfest, wüu skifahre isch doch glich no s’Best. Nachem Zmittag hets zwei Gruppe gäh, die einte si as Renne disi hei no eis weue näh.
Bim Renne isch ob Flüge- oder Schwergwicht, nid egal wär der Rekord bricht. Au am Obe ischs no Thema blibe, über Nacht 15 kilo zuehneh isch de doch chli übertribe. D’ Aelplärmaccarone si gsih sehr fein, zu meh Kilos hets nid glängt, so gemein.
Egal ob Jenga, Dog oder e Jass, hei mir gha bim spile vil Spass. Obwohl nid alli gspilt hei nach kanadische Regle, hei si zum Glück nid no afo schlegle.
Am Sunniti isch gsih deune s’Wätter ganz recht, zrugg is Bett isch doch au nid schlecht. Zmorge esse, packe und putze, alli si gsih vo grossem Nutze. S’ihlade isch wie nes Tetris gsih, hauptsach alli Sache si wider derbih. D Autos si gsih gstunge voll, D Polizei hätti das gfunde gha nid sehr toll. Ahschliessend si mir go der Buch voll schloh, derbi hei deu s Menue-Surpriese gnoh. Usprobiere mues me neui Sache, schüsch hät me nid vüu im Läbe zum Lache – geu Dani! Und d Moral vo dere Gschicht, «schlechti Lune» gibt es nicht! Mir chöi darum jetzt alli Wasserskifahre und si parat für im Summer uf dr Aare.
Misch, Sabe, Mara, Tamara, Nicole