Am 22. + 23. März het wie au Jahr üses Trainingsweekend stattgfunge. Am Samsti si
die erste scho früeh i de Hauene parat gstange zum z trainiere. Es het für aui chliini
Zwüscheverpflegige u öppis ztrinke gä. Jedi Riege het i de 2h vougas gää. D Leiter si
aui mega zfride gsi mit de Vortschritte. Nachem Grossfeld si de die meiste no chlei
blibe und hei dr erst Tag dört no chlei gnosse. Dr Stress isch de losgange, da
mirscho uf die 6i aui ir Linde zämme si ga ässe, u me nid so lang ziit het gah sich ga
früsch zmache nach dem asträngende Tag. Es het e coole Pizzaplausch znacht gä
wo jede chlei het chönne drilänge u vo dere Pizza wo eim gad glustet es Stückli het
chönne nä. Wie au Jahr isches e super obe gsii wos sicher niemer längwilig worde
isch. Am nöchste Tag isches de chlei herter gsi am morge früeh ga ztrainiere. Doch
es hei sich aui ufgrafft und sich nomou müeh gä. Sodass au dr Sunti e produktive
Tag gsi isch. Im grosse und ganze isch das es super Wucheend gsi wo me mit de
Turnerfamilie het chönne gniesse. Somit si mir scho es Schrittli nöcher zu de
Highlights vo üsere Saison.
24.03.2025/ Jana Rihs